చదలవాడ బ్రదర్స్ 9వ చిత్రం ప్రారంభం.

చదలవాడ బ్రదర్స్ సమర్పణలొ శ్రీ తిరుమల‌ తిరుపతి వెంకటేశ్వర ఫిలింస్ పతాకం పై చదలవాడ పద్మావతి నిర్మిస్తోన్న  9 చిత్రం‌ ఫిలింనగర్ సాయి బాబా టెంపుల్ లో ప్రారంభమైంది. నాగుగవర ఈ చిత్రానికి దర్శకుడు. వసంత్ సమీర్, సెహర్ హీరొ హీరొయిన్లుగా , శ్రీహర్ష, రవివర్మ ముఖ్య పాత్రలొ నటిస్తున్నారు. ముహూర్తపు  షాట్ కు జి.నాగేశ్వర రెడ్డి క్లాప్ నివ్వగా, దేవి ప్రసాద్ కెమెరా స్విచ్చాన్ చెశారు.  సినీయర్ దర్శకులు అజయ్ కుమార్ గౌరవ దర్శకత్వం వహించారు.

నిర్మాత చదలవాడ శ్రీనివాసరావు మాట్లాడుతూ.. మా‌బ్యానర్ లొ ఇది 9వ చిత్రం. జర్నలిస్ట్ వినాయక రావు గారి ద్వారా దర్శకుడు నాగు పరిచయమమయ్యాడు. తను విలువైన క్రైమ్ సబ్జెక్ట్ చెప్పాడు. ది బెస్ట్ కాంబొ లొ ఈ చిత్రాన్ని నిర్మిస్తున్నాము. బిచ్చగాడు,డి16  తరహాలొనె విభిన్నమైన చిత్రమిది. ఈ టీమ్ అందరికి మంచి భవిష్యత్తు ఉండాలని ఆశిస్తున్నానన్నారు

దర్శకుడు నాగు గవర మాట్లాడుతూ.. వీకెండ్ లవ్ తరువాత సమయం తీసుకుని, వినాయకరావు గారి ద్వారా ఈ సినిమా చేస్తున్నాను . చదలవాడ శ్రీనివాసరావు గారు నిర్మాతగా పెద్ద బ్యానర్ లొ ఈ చిత్రాన్ని చేస్తున్నాను . కాటెంపరరీ క్రైమ్ కు సంబందించిన కథ ఇది. రియలిస్టిక్ గా గ్రిప్పింగ్ కథనంతో ఈ సినిమా ఉంటుంది. మంచి టీమ్ ఈ సినిమాకు సెట్ అయింది. ఈ నెల 14 నుంచి చిత్రీకరణ ప్రారంభిస్తామన్నారు.

అజయ్ కుమార్ మాట్లాడుతూ.  మిత్రులు చదలవాడ శ్రీనివాసరావు గారు యంగ్ టాలెంట్ ను ఎంకరేజ్ చెస్తూ ఈ చిత్రాన్ని నిర్మిస్తున్నారు. కొత్తదనం తో వస్తొన్న ఈ టీమ్ కు  మంచి పేరు రావాలని ఆశిస్తున్నానన్నారు.

ప్రసన్న కుమార్ మాట్లాడుతూ.. పెద్ద రేంజ్ సినిమాలు చెసె స్థాయి ఉన్నా, కొత్త కాన్సెప్ట్ లను , టాలెంట్ ను ఎంకరేజ్ చెయాలని చదలవాడ శ్రీనివాసరావుగారు‌ ఈ సినిమా చేస్తున్నారు . నాగు దర్శకుడిగా సక్సెస్ కొడతాడన్నారు.

హీరొ వసంత్ సమీర్  మాట్లాడుతూ.. అవకాశమిచ్చిన దర్శకనిర్మాతలకు  దన్యవాదాలు. మా టీమ్ కు విజయం లభిస్తుందని  అశిస్తున్నానన్నారు.ఇంకా ఈ కార్యక్రమంలొ సెహర్ , రవి వర్మ, శ్రీహర్ష,శ్రావణ్ భరద్వాజ్  తదితరలు పాల్గొన్నారు

వసంత్ సమీర్(తొలి పరిచయం), సెహర్(తొలి పరిచ) , రవి‌వర్మ, శ్రీ హర్ష,  జబర్దస్త్ రాం ప్రసాద్ , రఘుబాబు, ,కాదంబరి కిరణ్, నీలిమ, జెమిని సురేష్, కమల్ తదితరులు నటిస్తున్న ఈ చిత్రానికి సినిమాటోగ్రఫీ: దుర్గా కిషోర్ బొయడపు, ఎడిటింగ్: ప్రవీణ్ పూడి, సంగీతం: శ్రావణ్ భరద్వాజ్, ఫైట్స్: డ్రాగన్ ప్రకాష్, కొరియోగ్రాఫర్: అనీ, కాస్టూమ్స్: టి.ఎస్‌.రావు, కాస్టూమ్స్ డిజైనర్: మంజుల భూపతి, నిర్మాత: చదలవాడ పద్మావతి, రచన- దర్శకత్వం:నాగు గవర.