తెలుగు సినిమా చ‌రిత్ర‌లో రానా క‌థానాయ‌కుడిగా న‌టించిన `లీడర్` సినిమాకు ప్ర‌త్యేక‌మైన స్థానం ఉంది. ఆ సినిమా తో రానా కు మంచి ఎంట్రీ ల‌భించింది. తొలి సినిమాతోనే ప‌రిపూర్ణ న‌టుడిగా ఆవిష్క‌రింప‌బ‌డ్డాడు. ఇప్పుడు మ‌రో సారి అలాంటి కంటెంట్ తోనే మ‌ళ్లీ ప్రేక్ష‌కుల‌ను మెప్పించ‌డానికి రెడీ అవుతున్నాడు. ప్ర‌స్తుతం తేజ ద‌ర్శ‌క‌త్వంలో నేనే రాజు..నేనే మంత్రి సినిమా లో న‌టిస్తున్నాడు.ఇది కూడా పూర్తిగా పొలిటిక‌ల్ స్టోరీనే. దీంతో ఈ సినిమా లీడర్ కు సీక్వెల్ లా ఉండ‌బోతుంద‌ని ఓ ప్ర‌క్క ప్ర‌చారం సాగుతోంది. తాజాగా సినిమాకు సంబంధించిన మ‌రో అప్ డేట్ ను రానా ట్విట్ట‌ర్ ద్వారా తెలిపాడు. జూన్ 6న టీజ‌ర్ ను రిలీజ్ చేస్తున్నామ‌ని ప్ర‌క‌టించాడు. ఆ రోజు ఇది లీడర్ కు సీక్వెల్ నా? లేక మ‌రో ఇంట్రెస్టింగ్ పాయింట్ తో తెర‌కెక్కుతుందా? అన్న విష‌యం తేలిపోనుంది. ఈ చిత్రాన్ని సురేష్ బాబు నిర్మిస్తున్నారు. ఇందులో కాజల్ అగర్వాల్, కేథరిన్ ట్రెసా, నవదీప్, అశుతోష్ ప్రధాన పాత్రలు పోషిస్తున్నారు.
The post జూన్ 6న రాజుగారి గుట్టు తెలిసిపోద్ది appeared first on MaaStars.