రాజమౌళి తెర‌కెక్కించిన బాహుబలి కి ఇంకా ప్ర‌శంస‌ల వ‌ర్షం కురుస్తూనే ఉంది. ముఖ్యంగా సంచ‌ల‌న దర్శకుడు రాంగోపాల్ వ‌ర్మ బాహుబ‌లిని ఆకాశానికి ఎత్తేశాడు. రోజుకొక‌సారైనా సినిమా పై ట్వీట్ చేయ‌కుండా ఉండ‌లేక‌పోతున్నాడు. తాజాగా మ‌రో ఇంట్రెస్టింగ్ ట్వీట్ చేశాడు. ఇక నుంచి సినిమా పరిశ్రమను బాహుబలికి ముందు తర్వాతగా పేర్కొంటారంటూ.. ‘బాహుబలి2’ను హాలీవుడ్‌ దర్శకుడు జేమ్స్‌ కామెరూన్‌ రూపొందించిన ‘అవతార్’తో పోలుస్తూ ట్వీట్ చేశాడు.
‘బాహుబలి2 ప్రభావం బాలీవుడ్‌పై బాగా పడింది. ప్రతీ సూపర్‌ డైరెక్టర్‌, సూపర్‌స్టార్‌ తన తర్వాతి బ్లాక్‌బస్టర్‌ చిత్రాలకు ఈ చిత్రాన్ని ఉదాహరణగా చెబుతారు. ‘బాహుబలి: ది కన్‌క్లూజన్‌’ భారత్‌ నుంచి వచ్చిన ‘అవతార్’లాంటింది. ‘అవతార్’ కోసం జేమ్స్‌ కామెరూన్‌ ఖర్చుపెట్టిన సమయం, డబ్బు కన్నా దర్శకుడు రాజమౌళి చాలా తక్కువవెచ్చించారు.’ అని ట్విటర్‌ వేదికగా పేర్కొన్నారు.The post బాహుబలి-2`ఇండియ‌న్ అవతార్!! appeared first on MaaStars.